ზედა კიდურების ორთეზები
ზედა კიდურის ორთეზი არის მოწყობილობა, რომელიც ემსახურება ზედა კიდურის სხვადასხვა უბნის ფუნქციისა და სტრუქტურის გაუმჯობესებას. დანიშნულების მიხედვით განასხვავებენ ორ ძირითად ტიპს:
- სტატიკური ორთეზი, რომელიც ზღუდავს კიდურის მოძრაობას და აქვს ხისტი სტრუქტურა. იგი ჩვეულებრივ გამოიყენება ძვლების მოტეხილობებისას და ასევე, მყესებისა თუ ნერვების დაზიანებებისას.
- დინამიური ორთეზი, რომელიც იძლევა კიდურის მოძრაობის შესაძლებლობას, მაგრამ მხოლოდ საჭირო ოდენობით. დინამიური ორთეზი ძირითადად გამოიყენება კუნთოვანი სისუსტისა და სპასტიურობის დროს.